Жиноят
ишлари бўйича Навоий шаҳар судининг очиқ суд мажлисида Р. А.га нисбатан
маъмурий ҳуқуқбузарлик тўғрисидаги иш кўриб чиқилди. Иш ҳужжатларига кўра, у Фарғона
вилояти, Қўштепа туманида туғилган, “Ўзбекистон темир йўллари” АЖда вагон
кузатувчиси бўлиб ишлайди. Оилали, маъмурий жавобгарликка тортилмаган, Қўштепа
туманида яшайди.
Ҳуқуқбузар Р. А., 2025 йил 19 сентябрь куни соат 5
ларда фуқаро Ҳ. Н.нинг Навоий шаҳридан Урганч шаҳрига бориш учун “Навоий” темир
йўл вокзалидан “Андижон-Хива” йўналишидаги йўловчи поездининг 12-вагон
24-ўрнига чиқиб, ноқулайлик туғилганлиги сабабли Р. А.дан ўрнини алмаштириб
беришни сўраган. Ҳ. Н.ни ўзининг вагонига олиб келган ва бошқа қиз билан
адаштириб, гап отганлиги, сўнг у билан тортишиб қолганлиги, бироқ шилқимлик
қилиш мақсади бўлмагани, қилган ишидан пушаймонлиги, Ҳ. Н.дан кечирим сўрагани,
оилавий шароити оғирлиги сабабли, қонуний енгиллик беришни сўраб кўрсатув
берди.
Суд мажлисида жабрланувчи Ҳ. Н., ҳақиқатдан ҳам
“Андижон-Хива” йўналишидаги йўловчи поездида Р. А.нинг хонасига олиб
борганлиги, шу ерда унга шаҳвоний шилқимлик қилиб, сочлари ва юзларидан
силагани, сўнг ёстиққа қараб итарганлиги ва Р. А.ни тепганлигини ва 102
рақамига қўнғироқ қилганини таъкидлаб, Р. А.га нисбатан қонуний чора кўришни
сўраб кўрсатув берди.
Суд, юқоридагиларга кўра ва МЖтКнинг тегишли
моддаларини қўллаб, ҳуқуқбузар Р. А.га нисбатан 5 сутка маъмурий қамоқ жазоси
тайинлади. Ундан маъмурий қамоқда ўтирган кунлари учун 309 000 сўм ундириш
белгиланди.
Улуғбек Исмаилов,
Жиноят ишлари бўйича Навоий шаҳар судининг тергов судьяси