Ўзбекистон Республикаси Президентининг 2026-йил 6-мартдаги “2026-йилги Наврўз
умумхалқ байрамига тайёргарлик кўриш ва уни ўтказиш тўғрисида”ги ПҚ-82-сон Қарори
ҳамда Олий суд раисининг 2026-йил 11-мартдаги 8-сонли Фармойиши ижросини таъминлаш
мақсадида, Навоий вилоят судлари томонидан бир қанча ишлар амалга оширилди.
Хусусан, жорий йилнинг 13-14-март кунлари “Мен ҳам кўчат экаман” акцияси
доирасида барча суд биноларида ободонлаштириш ва кўкаламзорлаштириш тадбирлари амалга
оширилди.
Бундан ташқари, 18-март куни вилоят суди биносида судя суд аппарати ходимлари
учун арзонлаштирилган қишлоқ хўжалиги ва озиқ-овқат маҳсулотлари ярмаркаси ташкил
этилди.
Бу йилги Наврўз байрами муборак Рамазон ҳайити байрами билан ҳамоҳанг нишонланишини
инобатга олиб, 18-март куни нафақат вилоят судларининг барча жамоаси, балки кекса
авлод вакилларини, хусусан суд фахрийлари ҳамда ёшлар ва хотин-қизларнинг кенг иштироки
таъминланган ҳолда, байрам юқори савияда кенг нишонланди. Бунда миллийлигимизни
ифода этувчи куй-қўшиқлар ва баҳорий таомлар тайёрланиб, тадбир иштирокчиларига
кўтаринки руҳ улашилди.
Шунингдек, байрам муносабати билан ўтказилган барча тадбирлар оммавий ахборот
воситалари, расмий веб-сайтлар ҳамда ижтимоий тармоқлардаги расмий саҳифаларда кенг
ёритилиши таъминланганлиги маълум қилинади.
Навоий
вилоят суди матбуот хизмати